Завяршыўся Тыдзень беларускай мовы
Весела, насычана і пазнавальна прайшоў Тыдзень беларускай мовы. Кожны змог прыняць удзел у мерапрыемствах, прысвечаных роднай мове.
У межах тыдня беларускай мовы ва ўстанове адукацыі прайшла акцыя “Анімацыя па-беларуску”, і малодшыя школьнікі з захапленнем паглядзелі шэраг мультыплікацыйных фільмаў і пазнавальных стужак на беларускай мове. Увазе вучняў былі прадстаўлены фільмы “Беларускія прымаўкі”, “Як служыў жа я ў пана”, “20 фактаў пра Беларусь”, “ “Піліпка”.
Вучні 8 класа ў кабінеце беларускай мовы і літаратуры падрыхтавалі цікавую выставу “Пісьменнікам-юбілярам прысвячаецца”.
Займальна і азартна адбыўся квэст “Чароўнымі сцежкамі роднага слова”, у якім прынялі ўдзел вучні 5 класа. Спачатку ўвазе вучняў былі прадстаўлены відэаролік “Цікавыя факты пра беларускую мову”. Гэта зацікавіла вучняў і стварыла творчы настрой. Далей вучняў чакала займальнае і пазнавальнае падарожжа па станцыях.
Кожная каманда атрымала маршрутны ліст з пералікам прыпынкаў, якія яна павінна прайсці. На кожным прыпынку выконвалі заданні, за правільна выкананыя заданні каманда атрымлівала літару і рухалася далей па маршруце. Перамагла каманда дзяўчынак, якая першая вярнулася на старт, склала літары і назвала зашыфраванае слова.
Вучні атрымалі не толькі веды,задавальненне ад гульні, але і закладкі для кніг, на якіх змешчана 10 цікавых фактаў пра беларускую мову.
Фотаздымкі мерапрыемстваў змешчаны ў фотаальбом.
